Plantun de Prouvènço

Pèr coumpara dos planto d'encò nostre

Rorippa palustris & Bellardiochloa variegata

Rorippa palustris

Brassicaceae Cruciferae

Nom en français : Cresson des marais.

Descripcioun :
Lou creissoun-de-palun es uno planto de l'an raro, pulèu primo emé de fueio proun divisado qu'an un darrié tros pu grand. Fai de flour jauno d'or, li boudousco dounon d'èr à de boudin (de 4 à 8(1,2) mm de long) emé un long estile (0,2 à 0,8(0,5) mm) ço que permès de la destria dis àutri Rorippa. Trachis en ribo de ribiero o de palun.

Usanço :
Li flour e li fueio soun manjadisso dins l'ensalado (li bèn lava). Es uno planto vertuouso contro lou mau-de-terro (escourbut).

Port : Erbo
Taio : 10 à 60(100) cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Rorippa
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : 7 à 8 mm
Flourido : Printèms

Sòu : Ca
Autour basso e auto : 0 à 1200 m
Aparado : Noun

Liò : Ribiero - Palun
Estànci : Mesoumediterran à Coulinen
Couroulougi : Subrecousmoupoulito
Ref. sc. : Rorippa palustris (L.) Besser, 1821

Margai(-margaia)

Bellardiochloa variegata

Poaceae Graminaceae

Nom en français : Pâturin panaché.

Descripcioun :
Aquéu margai trachis en mato dins li tepiero seco, li melounié e li roucas de mountagno. Li fueio de la baso soun proun estrecho (< 1 mm) e envertouiado, aquéli di cambo, un pau mai larjo (1 à 2 mm) alor que la lengueto èi bèn longo (3 à 7 mm). La paumo (paniculo) èi pulèu lacho emé d'espigueto de 7 à 8 mm (3 à 5 flour), margaiado de vióulet e de verd. Se recounèis tambèn à la lemma emé de péu à la baso e subretout qu'èi courtamen aristado (1 mm- vèire li fotò). Aquéli caratère l'an fa sourti dóu gènre proche Poa.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 50 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Bellardiochloa
Famiho : Poaceae
Famiho classico : Graminaceae

Coulour de la flour : Vióuleto
Petalo : ges
Ø (o loungour) flour : 7 à 8 mm
Flourido : Estiéu

Sòu : Si
Autour basso e auto : Pancaro entresigna
Aparado : Noun
Juliet à avoust

Liò : Tepiero seco - Roucas - Melounié
Estànci : Mountagnard à Aupen
Couroulougi : Ouroufito-Sud-Éuropenco
Ref. sc. : Bellardiochloa variegata (Lam.) Kerguélen, 1983 (= Poa violacea Bellardi, 1792 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Rorippa palustris & Bellardiochloa variegata

ges

Coumpara Creissoun(-de-palun) emé uno autro planto

Coumpara Margai(-margaia) emé uno autro planto